تغيير بيانات البطاقة

السفر
5K
345
sample-ad

تغيير بيانات البطاقة

سبق وقولنا ان دايما فى شوية تحضيرات قبل السفر والمرحلة دى مهمة جدا من ضمنها تغيير بيانات البطاقة ، وعلى بلاطة الغرض من السفر والنية فيما بعد هى الاى هتحدد هل بيان البطاقة يصلح ولا لأ ؟؟

كمان نوعية التاشيرة الى ناوى اقدم عليها اه الصح معها ، واحدة واحدة هنوصل باذن الله

بيانات البطاقة المتطبقة مع حالة الشخص الفعلية لا غبار عليها . ابسطهالك انت طالب فى البطاقة وطالع مسافر طالب تكمل دراستك طالب فى مشكلة …..  لأ ابدا

بطاقتك طالب او حاصل على وانت مخلص دراسة وطالع سياحة وناوى تكمل اقامة يبقى الكلام ده لازم يتغير انت محتاج اثبات وظيفة محترمة او صاحب عمل شركة يعنى تتحط فى الباسبور بتفرق كتير جدا خاصة السفر لتركيا لان الحساب البنكى وان كان مطلوب بس فى درجات التقييم بالسفارة التركية بتفرق جدا .

تعالى نفصل الموضوع  ولو كانت مهنتك في الباسبور حاصل على .. بكالوريوس كذا او ليسانس كذا بيكون صعب جداً يديك التأشيرة لان وظيفتك معناها انك بدون عمل طيب ازاي تغير وظيفتك في البطاقة الشخصية علشان نغير بيانات الباسبور و تتغلب على العقبة دي ؟

افضل شيء تغيرها لصاحب شركة الامر مش مستحيل ومش لازم يكون عندك شركة ولا حاجة علشان يبقا ده مسماك الوظيفي في الباسبور .. انت ممكن تتحصل على المسمى ده في جوازك في خلال 10 ايام لصاحب شركة بخطوات بسيطة جدا الامر بيتطلب منك استأجار مكان شقة بقا محل مش هتفرق هتثبت تاريخها فى الشهر العقارى وتطلع عليها سجل وبطاقة ضريبية باسمك وممكن لو محاسب معرفة يخلصلك الليلة خلال اسبوع معاك سجل وبطاقة .

تاخد سجلك وبطاقتك وعدل على السجل المدنى عباسية اميرية …… الخ ويحبذا لو صورتك الى عاملة زى مطاريد الجبل عرفت تتصور غيرها ودى عايزة زقه من معاون المباحث الباشا حبيب الكل، طب مغيرتش صورتك مش مهم ، غيرت بيانات بطاقتك عسل .

 

تعليقات الفيسبوك

التعليقات مغلقة