الكلام اللى هاقوله هيزعل ناس كتير

sample-ad

الكلام اللى هاقوله هيزعل ناس كتير من تركيا
بس ده اللى لمسته واستنتجته خلال الشهر ونص اللى قعدتهم هنا
تركيا شعبها بتاع شغل بطريقة غريبة وأكتر مننا بمراحل فعلا وساعات عملهم تتعبنا جدا جدا
عشان كده لو جاى تشتغل اى شغلانه يبقى هتتعب جدا
لو جاى تشتغل يدراعك يبقى هتتعب أكتر
لكن لو عندك حاجه انت متميز فيها أوى هتنجح بسرعه جدا جدا
تركيا الآن ليست جاذبه للعماله ولكنها جاذبه للكوادر
ودى الحقيقة اللى لمستها فعلا فى تركيا
مصريين كتير جدا نجحو هنا لأن كل واحد فيهم شاطر جدا فى حاجه
الحقيقة التانيه ان الاتراك فعلا مبيشغلوش دماغهم فى الشغل بمعنى لو مطلوب منه شغل معين بيعمله بدراعه وهما قادرين على المجهود البدنى لساعات طويله فعلا والنساء شرحه
فمتجيش تشتغل شغلهم عشان هتتعب
الحقيقه التالته انك لازم تشتغل ع نفسك وتطور نفسك سؤاء فى اللغه سواء فى مجال عملك
.
حاول توفر فى نفسك الثلاث حقائق دول واهلا بك فى جنة تركيا 😊😊
ولو جاى تدور ع9لى شغل وفاكر ان تركيا زى اوروبا أو الخليج .. فكر مليون مره وشوف اى فرصه فى اى دوله تانيه أفضل ولو مفيش قدامك فرص تانيه وربنا ييسرلك طريق تركيا يبقى ربنا كاتبلك رزق هنا بامر الله اتوكل عليه وتعالى واستحمل شوية تعب واشتغل على نفسك ونمى قدراتك فى شغلك
.
والنصيحه الاخيره ركز اوى مع نفسك وشوف حاجه انا شاطر اوى فيها وابدأ دور على شغل فيها
متشتغلش وخلاص لان هتتعب بجد
.
تحديث:
متبصش لحد ومتقارنش نفسك بحد سواء ناجح او فاشل انت قدراتك وعقليتك مختلفه تماما ومتجيش تقلد حد نجح هنا الا لو انت متأكد ان امكاناتك او قدراتك اعلى منه
ومتسمعش كلام حد .. حتى كلامى ده اتأكد منه بطريقتك ولا تجعل نفسك ضحية لأحد مهما كان ومهما كنت ومتعتمدش على حد
.
تحديث اخر:
متسألش عن وظيفه لأن تركيا زيها زى اى دوله فيها كل المجالات .. المهم انك تكون ناجح فى المجال ده وبتعرف تشغل دماغك فيه ودارسه كويس اوى كده مش هينقصك غير اللغه اتعلم تركى وتعالى هتلاقى ربنا فاتحهالك من واسعه

sample-ad

تعليقات الفيسبوك

اضف تعليق